Kjo është Sadrije Manaj, një 79 vjeçe e cila jeton në një shtëpi tërësisht të amortizuar në fshatin Mehaj të Malësisë së Madhe.
Çatia e banesës ku jeton e moshuara ka rënë brenda duke e bërë të pajetueshme. Po ashtu 79 vjeçarja nuk ka as të ardhura dhe jeton me shumë vështirësi vetëm me pensionin e saj.
Prej disa muajsh 79 vjeçares i kanë dhuruar një kontinier por Sadrija tregon se është e pamundur për të qëndruar aty sepse gjatë verës është shumë nxehtë dhe gjatë dimrit bën shumë ftohtë dhe kërkon që të ndihmohet për rikonstruksionin e banesës ose të paktën një shtëpi të vogël druri.
79 vjeçarja prej kohësh kërkon ndihmë qoftë nga institucionet por edhe nga organizata, fondacione apo individë të ndryshëm që mund t’i vijnë në ndihmë për t’i mundësuar një strehim normal.
