Efi Dhedhes, një nga personazhet më të komentuara të Përputhen të këtij sezoni është bërë kryefjala e mediave rozë.
Ajo ka provokuar pasi i është përgjigjur pyetjes së një ndjekësi në profilin e saj në Instagram. Tatuatorja ka ndarë me publikun disa prej situatave më të sikletshme që i kanë ndodhur së fundmi.
Ajo rrëfeu se ka qenë në spital pa dhënë detaje mbi rastin, e më pas u shpreh se i janë grisur rrobat e banjos në pjesën e poshtme. Zeshkania shprehet se nuk e di nëse këto gjëra po i ndodhin për shkak të syrit të keq, apo janë thjesht rastësi.
“Kam disa ditë që po më ndodhin vetëm gjëra të këqija. Dje isha në spital, gjëja e parafundit. Ndërsa e fundit, unë tani sapo u ndërrova sepse mu grisën rrobat e banjos poshtë, nuk ndodhi ndonjë gjë… mos mendoni keq. Më thoni ju është syri i keq apo rastësi?”-deklaron Efi në story.
