Motori përplaset me makinën në Greqi, humb jetën në vend 29-vjeçari shqiptar

Një ngjarje tragjike është regjistruar në Santorini të Greqisë.

Një aksident i ndodhur në orët e para të mëngjesit të sotëm ka lënë pas një viktimë. Një 29-vjeçar shqiptar ka ndërruar jetë si pasojë e një aksidenti rrugor.

Motori me të cilin shqiptari po udhëtonte u përplas me një makinë, e për pasojë i riu ndërroi jetë nga plagët e marra. Sipas mediave greke, motoçiklisti shqiptar 29-vjeçar është përplasur kokë më kokë me një makinë, të drejtuar nga një 30-vjeçar.

Pavarësisht veprimeve të menjëhershme për transportimin e shqiptarit në spital, i riu kishte humbur shumë gjak, e për pasojë nuk arriti të mbijetojë. Policia ka shkuar në vendin e ngjarjes dhe po kryen hetime lidhur me aksidentin për të zbardhur të vërtetën e tragjedisë.

TE TJERA

spot_img