“Gratë e vajzat kryevepër, burrat për të mos i parë…”/ Kryeministri Rama me mesazh të fortë

Kryeministri Edi Rama u ka kërkuar vlonjatëve që të mbajnë pastër ambientin e tyre dhe të mos hedhin mbeturinat në tokë, duke thënë se “kanë në dorë diçka shumë të rëndësishme, që duhet ta vlerësojnë”.

Rama foli nga qyteti bregdetar, teksa u shpreh se një ambient i papastër largon turistët nga Vlora.

Ndërsa u kujtoi një shprehje të gjyshërve vlonjatë që sipas tij thoshin: “Lahu sa më shumë në det”.

“I them këto sepse vlonjatët, sidomos, vlonjatët duhet të kuptojnë se kanë diçka të rëndësishme në dorë, në raport me ekonominë e tyre, të mos hedhin plehrat në tokë. Për të ndërtuar turizëm të mirë s’mjaftojnë shtretërit, palmat e ndriçimi, por duhet kryesori, i zoti vendit, që është banori.

Nëse e konceptojmë si shtëpinë tonë dhe nëse kur dalim nga muret e shtëpisë ndjejmë të njëjtët pastërti si brenda, Askush si hedh plehrat në kuzhinë, por në kosh. Nëse hedh plehrat në tokë, i heq qytetit të ardhura, përzë çdo turist që shikon atë mbeturinën në tokë.

Ata thonë “deti i bukur, rëra e mirë, dielli fantastik, gratë e vajzat kryevepër por burrat për t’i marrë dhe për të mos i parë më kurrë”. sepse kjo është edhe e vërtetë ndër të tjera, po le të mos e themi këtu se kemi edhe komshinjtë që janë burra më të mirë se ne. Ndaj gjyshërit këtu në Vlorë thoshin lahu sa më shumë në det”, tha Rama.

TE TJERA