Eglein Laknori është padyshim një ndër aktorët më të preferuar të publikut, ku me humorin e tij jo vetëm që i ka bërë të gjtihë për vete, por edhe në përditshmërinë e tyre frazat humoristike që Egi përdor janë pjesë e pandashme e publikut.
I ftuar në një mbrëmje speciale në D-Night nga Dajana Shabani në Rtv Ora në një intervistë ku mezi mbaheshin të qeshurat, humoristi u ndal paksa te paragjykimet që mund t’i bëjnë të tjerët.
Dajana: Egi shpesh herë paragjykohesh në Shqipëri se ndonjëherë vendos edhe ndonjë buzëkuq e ndonjë palë taka. Komenteve negative si iu përgjigjesh zakonisht?
Eglein Laknori: Kur e fillova këtë profesion le të themi përpara 13 vitesh e kisha problem në fakt, edhe kur dilnin rolet e mia në YouTube se në atë filloi edhe YouTube e kisha problem dhe thoja se ça kanë këto njerëz që nuk iu pëlqej sepse në fillime je edhe natyrë emotive.
Me kalimin e kohës ti fiton imunitet dhe fillon të bëhesh edhe më i njohur dhe më i dashur dhe nuk e kam më fare problem dmth. Vetëm ata që flasin fjalë të pista unë iu bëj bllok sepse i kam tmerr fjalët e pista në jetën time, kurse kur shkruajnë psh se ti nuk bën për këtë punë apo nuk më pëlqen…këtë gjë nuk e kam problem e lë aty.