Ish-kryeministri Sali Berisha sot tha nga Durrësi se kthimi i tij në politikë ngjason me rastin e rikthimit të miliarderit Steve Jobs në industri.
Ashtu sikur se Jobs ndryshoi botën me një I Pad, Berisha shprehet i vendosur të ndryshojë Shqipërinë. Ai ndihet shumë i sigurt për këtë dhe nuk e luan topi.
I ka provuar të gjitha pushtetet dhe nuk ngopet.“Kthimi im është si kthimi i Steve Jobs, i cili pas një seri pabesirash dhe qëndrimesh që e nxorën në rrugë, u kthye dhe me një iPad dhe ndryshoi botën, ndërsa ne së bashku do ndryshojmë Shqipërinë”, tha Berisha nga Durrësi.
Takimi i Berishës me demokratët e Durrësit u zhvillua sot në kuadër të turit elektoral të Sali Berishës, i cili kandidon për kreun e Partisë Demokratike.Lajmi i mirë është se Berisha gëzon mbështetje më të madhe se ish-kreu i PD-së, Lulzim Basha.
Njerëzit e duan dhe ai ende “ngjit” në politikën shqiptare, i frymëzon njerëzit.Lajmi i keq është se Berisha ka lindur si politikan në vitin 1991. Ai është bashkëthemelues i PD-së dhe sot kërkon ta ribëjë partinë që bëri vetë para 31 vitesh. Llahtari, patjetër!