Një aksident ka ndodhur pasditen e së hënës në rrugën dytësore Lezhe – Rrile.
Burimet e “Fax Neës” bëjnë me dije se si pasojë e përplasjes së dy automjeteve 3 persona kanë mbetur të plagosur, një prej tyre në gjendje më të rëndë.
Nga aksidenti kanë mbetur të plagosur dy drejtuesit e automjeteve dhe një pasagjer të cilët janë dërguar me urgjencë në spital. Gjithashtu bëhet me dije se si pasojë e aksidentit për rreth 60 minuta është bllokuar ky aks rrugor.
Policia ka mbërritur në vendin e ngjarjes dhe ka nisur hetimet për të zbardhur shkaqet e aksidentit.
Njoftimi i policisë Lezhë:
Rreth orës 14:40, në vendin e quajtur “Kryqëzimi i Rrilës”, ka ndodhur një aksident automobilistik në të cilin janë përfshirë 2 automjete.
Për pasojë janë lënduar drejtuesit e të dy automjeteve, shtetasit B. C., 53 vjeç dhe N. N., 66 vjeç, si dhe pasagjerja në njërin nga mjetet, shtetasja V. N., 62 vjeçe, të cilët ndodhen në Spitalin Rajonal Lezhë, jashtë rrezikut për jetën.
Grupi hetimor vazhdon veprimet në vendngjarje, për zbardhjen e plotë të rrethanave të aksidentit.
