Dy shqiptarë janë gjetur të plagosur në rrugë në Pescara të Italisë.
Bëhet fjalë për Elvis Balanin, 41 vjeç dhe Leon Cako, 39 vjeç. Fatmirësisht ishte një kalimtar i rastit ai që i pikasi dy të plagosurit me thikë në rrugë, ndërsa më pas i dha ndihmën e parë duke i çuar dhe në spital.
Mediat e huaja raportojnë se 41-vjeçari Balani ndodhet në gjendje më të rëndë, ndërsa 39-vjeçari Cako ka plagë në këmbë.
Aktualisht policia po heton në lidhje me ngjarjen në fjalë, si dhe zbardhjen e motiveve të plagosjes së shqiptarëve.
