Përfaqësuesja e Shqipërisë në Eurovision, Ronela Hajati ka dhënë performancën e saj përfundimtare para jurisë së festivalit.
E teksa jemi vetëm disa orë larg performancën së gjysmëfinale, Ronela dhe përfaqësues së shteteve të tjera dhanë një performancë mjaft të rëndësishme atë para jurive, të cilët kanë rol të madh për rrugëtimin e përfaqësuesve në finale.
Në lidhje me performancën e Ronelës ka reaguar edhe këngëtarja Rozana Radi. Përmes një postimi në “Instastory”, Radi shkruan se efektet speciale dhe ndriçimi në performancën e Ronelës mungonin duke i cilësuar planet televizive “të tmerrshme.”
“Nuk mund ta shikoj performancën e Ronelës sonte për arsye personale, por pashë disa video të hedhura nga ata që e kanë parë dhe xhiruar nga TV. Plane telefizive të tmerrshme.
Ndriçimi i këngës së Ronelës dhe efektet speciale mungonin. (Ato efekte që përdoren mbuluan të gjithë performancën). Duhet të kërkohet urgjent ti bëhet “yzmeti’ dhe skenës në këtë këngë!”, shkruan Rozana.
