Ish kryetari i PD, Lulzim Basha ka vijuar me takimet e tij të përditshme tashmë që prej dorëheqjes së tij nga kreu i partisë Demokratike.
Këtë herë Basha ka qenë në Sarandë dhe në Vlorë ku është takuar me mbështetësit e tij besnikë.
Ndërkohë që Basha takohet me mbështetësit e tij, ditën e sotme për më shumë se 8 orë u mbajt Kuvendi i partisë Demokratike ku u morën një sërë vendimesh, një ndër to ishte edhe caktimi i datës 22 maj si datë kur do të mbahen zgjedhjet për kryetarin e partisë.
Nuk dihet ende nëse Basha planifikon të shpallë kandidaturën e tij për të qenë sërish në krye të demokratëve.