Rosela Gjylbegu bën akuzat e forta për Festivalin e RTSH: Drejtohet nga njerëz të paaftë dhe…

Që nga dalja në “Ethet e së premtes mbrëma”, në vitin 2003, Rosela Gjylbegu është nga ato këngëtare që ka punuar fort për të mbajtur emrin dhe prestigjin që ka sot në profesionin e saj.

Ky spektakël siç e ka potencuar disa herë ia ndryshoi jetën dhe i dha një mundësi për të treguar talentin në vijim.

Pavarësisht që vazhdoi pjesëmarrjen nëpër kompeticione të tjera të famshme muzikore, artistja nga Shkodra shquhet për një sërë hitesh si: “Vazhëzo”, “Maratonë”, “Jam Aty”, “Rri me mua”, “Formula e Lumturisë” e më shumë.

Por prej kohësh e kemi parë të distancuar nga skena. Në një intervistë së fundmi për telegraf ajo është pyetur edhe për mungesën e saj në festivalin e RTSH ku ka qenë pjesmarrëse e përhershme.

“Kam qenë pjesëmarrëse e rregullt derisa u ndjeva e pa respektuar, mendoj që procesi i fest të RTSH-se çalon prej vitesh, sepse është drejtuar nga njerëz të paaftë, mendje ngushtë, dhe dashakeqës që e çuan këtë festival në këtë pikë duke larguar,

autorët e artistët me të mirë në vend. Duke krijuar pa kënaqësi jo për çmimet po për nga mënyra e trajtimit pa respekt ndaj artistëve”, është shprehur Rosela.

Gjithashtu ajo është shprehur se për sa kohë që nuk ndryshojnë drejtuesit nuk do të jetë pjesë e këtij festivali.

“Për sa kohë do të drejtohet nga njerëz që duan ta dëmtojnë festivalin nuk besoj se ja vlen pjesëmarrja… Uroj që gjërat të ndryshojnë”, e mbyll ajo.

- Publicitet -

TE TJERA

spot_img