Në seancën e ndërmjetësimit të “E diela shqiptare” në Tv Klan, Erilda,
vajza e Rahmies nuk mundet të qetësohet nga sqarimet e paqarta të nënës së saj. E zemëruar, ajo i kërkon llogari për faktin që ajo i ka dorëzuar tokat xhaxhait ndërkohë që ky i fundit i thotë Erildës se nuk është gjaku i tij.
Nga ana tjetër, arsyeja më madhore pse nënë e bijë përballen në “Shihemi në Gjyq” është një veprim i pamenduar i Rahmies.
Gjatë kohës që Erilda ndodhej në spital, ajo i ka dorëzuar nënës së ish-dhëndrit mbesën e vogël e prej atëherë, kanë dy vite që nuk e shohin më vogëlushen.
Erilda nuk mundet të shohë asnjërën prej vajzave të saj jo vetëm prej familjarëve të ish-burrit, por edhe prej mësueses së shkollës ku ato mësojnë.
Erilda: Normale pa përgjigje do mbetet ajo zonja. Pse m’i ke bërë të gjitha këto?
Rahmie: Po jo moj nënë…Nuk të përzë unë…
Erilda: Cila është arsyeja që m’i ke bërë të gjitha këto?
Rahmie: Po jo moj t’u bëftë nëna, unë të dua, të kam evlat.
Erilda: Po si moj më do ti mua se më ke bërë shumë gjëra të këqija.
Rahmie: Po nuk e dija.
Erilda: Po si moj s’e dije. Çfarë dije ti moj? Të shisje shtëpinë, të shisje tokat? Të më largoje fëmijët?
Rahmie: Unë ty të kam.
Erilda: Po si moj më ke mua? Jo, unë nuk të dua më. Nuk je nëna ime.
Rahmie: Ke dy vite që ke ikur nga shtëpia. Të keqen nëna, hajde.
Erilda: Jo, unë nuk të dua.
Rahmie: Pse moj të keqen nëna?
Erilda: Jo, nuk ke punë me mua./tvklan.al
