Pak kohë më parë, një koment i bërë nga avokati Spartak Ngjela në një prej fotove të këngëtares Rovena Ibrahimi, bëri xhiron e rrjetit.
“Asgjë e veçantë… por gjithçka e jashtëzakonshme e këngëtares së madhe, Rovena Ibrahimi: thjeshtësi; bukuri e veçantë femërore dhe – si gjithmonë – sinqeritet që shfaqet te sytë dhe buzëqeshja e saj..”- shkruante Ngjela ndër të tjera.
Deri më tani nuk kishte ardhur asnjë reagim nga Rovena. Ajo ka folur për herë të parë duke thënë se nuk është komplimenti i parë që merr nga avokati, pasi e ka bërë dhe herë të tjera.
“Nuk e prisja kurrë që do isha në qendër të mediave rozë, dhe kjo është pyetje shumë e bukur. Në fillimet e mia pasi dhashë një intervistë u keqkuptova, edhe prandaj kam qëndruar larg medias.
Ngjela është njeri i nderuar dhe unë e falenderoj dhe publikisht. Nuk është hera e parë që e bën”, tha ajo në “Expuls” duke rrëfyer dhe një episod aspak të këndshëm ku një titull e kishte mërzitur.