Bashkimi i demokratëve ka nisur nga Shkodra në përkujtimin. I bëri bashkë përkujtimi i 31-vjetorit të masakrës së fundit të komunizmit dhe nderimi i sakrificës së demokratëve.
Deputetët e PD Shkodër pas muajsh të tërë të përçarë, e ku një pjesë e tyre nuk u panë as në fushatë, e një pjesë tjetër ishin në krah të kandidatit të PD-së Xhemal Bushati, sot u shfaqen në ceremoninë përkujtimore të 2 prillit.
Helidon Bushati, Emilia Koliqi, Zef Hila, Greta Bardeli dhe Ramadan Lika u panë të shtrëngonin duart fillimisht me kryetarin e ri të bashkisë Bardh Spahia të koalicionit Shtëpia e Lirisë, e më pas edhe me ish-kryeministrin Sali Berisha.
Kjo është shfaqja e parë e tyre krah Sali Berishës.
Më 2 prill 1991, ndodhi një ngjarje që tronditi Shkodrën dhe gjithë Shqipërinë, ajo që njihet ndryshe masakra e fundit e komunizmit në Shqipëri.
Gjatë në proteste kundër manipulimit të zgjedhjeve të 31 marsit të atij viti, u vranë katër djem dhe u plagosën dhjetëra të tjerë.
Shkodra humbi katër bijtë e saj, idealistë e plot shpresë për Shqipërine ku po pritej të vinte demokracia. Tragjedia e tyre nuk u zbardh kurrë.
Dëshmorët e 2 prillit
-Arben Broci
-Bujar Bishanaku
-Nazmi Kryeziu
-Besnik Ceka