Alban Ramosaj është vëllai i Beatrix Ramosaj, ish-banores së këtij sezoni në Big Brother VIP.
Ndryshe nga motra e tij, duket se ai nuk e paska fare qejf këtë format televiziv.
Albani ishte njëri nga mbështetësit më të mëdhenj të motrës së tij gjatë rrugëtimit të saj në BBV, por është kundër një programi të tij, të paktën nëse do ftohej për të marrë pjesë vetë.
Këngëtari po ashtu është edhe shumë aktiv me postime në rrjete sociale, ku së fundmi iu ka përgjigjur pyetjeve të publikut në InstaStory në variantin “ask” me ndjekësit e tij.“A do hyje në Big Brother VIP?” ishte njëra nga pyetjet e fanseve të tij të shumtë në Instagram. Këngëtari u përgjigj me një video humoristike nga Youtube.
Në këtë video shkruhet “Askush nuk ka kohë për këtë”, duke treguar se jeta e tij është aq aktive me punë dhe projekte, saqë nuk ka kohë për një format si Big Brother.Kujtojmë se Albani ishte pjesë e Festivalit të RTSh-së dhe u rendit i dyti me këngën “Theje”. Ajo ishte kënga më e klikuar në Youtube, por nuk rezultoi fituese me pikët e jurisë.