Nga Nereida Vitoja
Java e fundit ka shënuar numrin më të lartë të zjarreve të regjistruara ndonjëherë në muajin mars në bashkinë Shkodër.
Bashkim Ramaj, shef I sektorit të ndërhyrjes në repartin zjarrëfikës bën me dije se nga e premtja e 18 marsit, në harkun kohor të një jave efektivët zjarrëfikës kanë ndërhyrë në 27 vatra zjarri në qytet dhe njësitë administrative të bashkisë Shkodër, mesatarisht 3 vatra zjarri në ditë.
Shefi I ndërhyrjes Ramaj bën me dije se pjesa më e madhe e vatrave të zjarrit janë të qëllimshme ngabanorë që pastrojnë tokat bujqësore, raste ëkto kur zjarri ka dalë jashtë kontrollit duke rrezikuar banesat e tyre.
Prej një jave situata e krijuar në të territorin e bashkisë Shkodër është alarmante. Aq më tepër kur temperaturat nuk janë ende aq të larta sa të shkaktojnë zjarre në sipërfaqe malore dhe fushore. Shefi I sektorit të ndërhyrjes I bën thirrje edhe policisë Shkodër për mbajtjen nën kontroll të kësaj situate.