Në orën 7.17 të së premtes 18 mars 2022 do të zhvillohet Hëna e Plotë në Shenjën e Virgjëreshës. Hëna e Plotë zhvillohet afër vitit të ri Astrologjik i cili fillon më 20 Mars me hyrjen e Diellit në shenjën e Dashit.
Ato që do ta përjetojnë më mirë këtë Hënë të Plotë janë shenjat e Tokës: Demi, Virgjëresha dhe Bricjapi. Nëse keni lindur nën shenjën e Virgjëreshës, Demit ose Bricjapit do ta përjetoni ndikimin e saj drejtpërdrejt përmes suksesit personal dhe profesional.
Disa, për fat të keq, do të preken nga Hëna e Plotë me pagjumësi dhe paqëndrueshmëri emocionale. Këshilla është të ndryshoni pamjen dhe të prisni flokët, të cilët do të bëhen më të trashë, më të shëndetshëm dhe akoma më të shndritshëm.
Hëna e Plotë ka karakteristikat e shenjës së Virgjëreshës dhe fokusohet në rritjen e kujdesit ndaj trupit, prandaj duhet theksuar imazhi dhe shëndeti. Mund të filloni të bëni aktivitete fizike, një zgjedhje e përshtatshme me ardhjen e pranverës. Në përgjithësi, jini më të vëmendshëm ndaj mirëqenies suaj psikofizike, ndoshta përmes një diete të shëndetshme detoksifikuese nga e cila do të përfitonte zorra, si dhe tretja e pankreasi.
Ky është një cikël i ri që përfshin rreth 28 ditë (nga 18 mars deri më 16 prill) dhe që mund të japë fryte të rëndësishme, mjafton të përdorësh burimet për të gjetur forcë më të madhe.
Çdo shenjë mund ta vlerësojë këtë ndikim astral që të shtyn të kërkosh mundësi të reja dhe të hapesh në horizonte të reja.
Ndikimi i Zodiakut ndihmon për t’u zgjuar ashtu siç bën natyra, ekuinoksi pranveror, i cili korrespondon me një nga dy kohët e vitit në të cilat dita dhe nata kanë të njëjtën kohëzgjatje drite, ndihmon për të jetuar me forcë dhe ekuilibër psikofizik.
