Analisti dhe gazetari i njohur Baton Haxhiu, ka thënë një ditë më parë se qytetarët që protestojnë nuk dinë ku të çojnë lekët.
“Me lekët që kanë njerëzit dhe nuk dinë çfarë të blejnë…Ky është luksi i protestës së pakuptimtë.”-tha midis të tjerash analisti Haxhiu.
Haxhiu:
Me lekët që kanë njerëzit dhe nuk dinë çfarë të blejnë…Ky është luksi i protestës së pakuptimtë. Protesta është neveritëse. Është jashtë kohës. Jashtë momentit. Është dhimbje për mua ajo që po bëjnë qytetarët shqiptarë. Kjo do ta kishte dinjitetin kur liria në Ukrainë dhe taksat tona do të jenë pjesë e përplasjes me qeverinë. Këta që protestojnë, nuk dinë ku të çojnë lekët.
Kujtojmë se edhe kryeministri Edi Rama është shprehur shpesh herë se qytetarët po “turpërojnë kombin” duke protestuar për rritjen e çmimeve. Nga ana tjetër, Holanda ka ulur çmimin e taksave ndërsa qeveria do të lehtësojë njerëzit me të ardhura të ulëta dhe të mesme dhe bizneset e vogla duke u dhënë nga 800 euro ndihmë. Po ashtu edhe Greqia ka marrë masa të tilla. Por, siç duket në Shqipëri nuk “funksionon” kështu.
