Majlinda Bregu ka reaguar lidhur me rezultatin e zgjedhjeve të pjesshme vendore, në të cilat Lulzim Basha u rendit i treti.
Bregu thumbon me atë të një postimi kryedemokratin ku shkruan se ai vuan nga një “psikozë” – në të cilën nuk mund të dallojë realitetin nga imagjinata.
“Çrregullimi delusional, është një lloj sëmundjeje serioze mendore – e quajtur “psikozë” – në të cilën një person nuk mund të dallojë realitetin nga imagjinata.
Tipari kryesor i këtij çrregullimi është prania e delusioneve, të cilat janë besime të palëkundshme në diçka të pavërtetë.”
Lulzim Basha humbi për të disatën herë në zgjedhjet në Shqipëri, por ai dje deklaroi në mënyrë të habitshme se ai nuk ka humbur asnjë garë në jetën e tij.
Kjo deklaratë e tij i ka acaruar shumë nga ata që ende e mbështesnin deri dje dhe tani kërkojnë largimin nga kreu i Partisë Demokratike.
