Brenda shtëpisë së “Big Brother VIP Albania” lindi një histori dashurie mes aktorit Donald Veshaj dhe këngëtares Beatrix Ramosaj, një histori shumë e gjykuar për shkak të raportit të mëparshëm të Donaldit me ish-të dashurën e tij, Bora Zemanin.
Jashtë prisnim që të shihnim se si do të shkonte marrëdhënia e tyre, por duket se nuk zgjati shumë. I rikthehemi edhe njëherë postimeve që Trix-a bëri ditën e djeshme për Donaldin, kur tregoi që historia me të ka qenë e “rreme”.
Mesa duket nëpër rrjet, po qarkullon një foto që këngëtarja postoi ditën e djeshme në ‘story’ e cila duket që ka veshur të njëjtën xhaketë si të Donaldit kur ishte në finale.
Ndonëse këngëtarja e ka bërë shumë të qartë krisjen me aktorin, duke i bërë ‘unfollow’, njerëzit ende mendojnë që mund të ketë diçka mes tyre.
Kujtojmë se ditën e djeshme Beatrix u paraqit me vonës në ‘afterparty’-n e organizuar nga Top Channel, e cila ishte e shoqëruar nga vëllai i saj Alban Ramosaj.
Dyshja qëndruan larg pjesës tjetër duke ngritur dyshime për raportin e këngëtares me aktorin Veshaj pas përfundimit të “Big Brother VIP”. /Iconstyle
