“Big Brother VIP” po i vjen fundi. Tashmë zyrtarisht finalistë janë aktori Donald Veshaj, balerini Ilir Shaqiri, modelja Beniada Nishani dhe moderatorja Einxhel Shkira.
Katër banorët e mbetur janë në garë për çmimin kryesor prej 115 mijë eurosh, fitues do të shpallet në finalen e madhe që mbahet nesër.
Para pak minutash Arbana Osmani ka publikuar pamjet nga regjia dhe audio, nga produksioni dhe madje ka prezantuar për herë të parë edhe stafin e dhomës së rrëfimit.
Arbana ka shuar kështu një kuriozitet të madh të shumë njërëzve duke treguar se kush qëndron pas këtij spektakli gjigant.
“Big Brother Vip”, i pari me personazhe të njohur në vendin tonë, rezultoi një sukses i vërtetë dhe sigurisht që një meritë e padiskutueshme i takon Arbanës, e cila është jo vetëm moderatorja por edhe autorja këtë vit.
Por, pjesë e pandarë e këtij suksesi janë dhe personat që Arbana ka treguar pak më parë, që vërtet kanë bërë një punë kolosale.