Moderatorja e “Përputhen”, Bora Zemani, ka munguar prej disa ditësh në ekran.
Ajo u zëvëndësua fillimisht nga një prej konkurrenteve, Ana Lleshi, ndërkohë që këtë të shtunë, ishte pikërisht Elona Duro që moderoi programin.
Një personazh që e kemi parë në rolin e opinionistes në Perputhen, duke dhënë komentet e saj rreth ngjarjeve dhe dinamikave të ndodhura gjatë spektaklit.
Elona tha se shpreson që ta pranojë publiku nga ekrani dhe studioja këtë ndryshim, ashtu siç është pranuar Bora Zemani, “e zonja e shtëpisë”. Ndërkohë Bora e ka dhënë mendimin e saj për Elonën në një InstaStory.
“Elona Duro një yll në Përputhen. Faleminderit shpirt i bukur”, ka shkruar moderatorja duke treguar kështu mendimin pozitiv. Sa i takon gjendjes së saj, Bora ka postuar disa video me filtra ku thotë se ka kaluar disa ditë të vështira me temperaturë shumë të lartë.
“Pa filtra nuk bëj dot asnjë video në këto momente, faleminderit për mesazhet që më keni dërguar, unë kam qenë shumë sëmurë këto ditë, temperaturë deri në 40 gradë.
Kini kujdes për veten se çfarë nuk qarkullon këto kohë, erdhi dhe mami me ilaçet, erdhi anti biotiku. Ju puth nga larg që të mos ju ngjis ndonjë gjë”, shprehet Bora në disa video që ka postuar në story.