Ministrja e Arsimit Evis Kushi, përmes një postimi në Facebook, njoftoi se,
javën e ardhshme, duke filluar nga e hëna deri të mërkurën, shkollat në të gjithë vendin do të mbyllen për shkak të motit ekstrem ku temperaturat do të shkojnë deri në -17 gradë celsius.
Kujdes! Përkeqësohet moti, pas pak orësh fillon shtrëngata dhe dëbora në Shqipëri, ja zonat që do të godasë. Por si parashikohet moti për sot dhe javën në vazhdim
Siç raportohen edhe stacionet meteorologjikë rajonale, pritet që temperaturat në Shqipëri të zbresin deri në -18 gradë Celsius në zona si Bulqiza apo Puka, ndërsa termometri në Tiranë pritet të zbresë deri në -8 gradë Celsius.
Termometri pritet të zbresë afër zeros edhe në zonat bregdetare si Durrësi, ndërsa në Vlorë priten temperature deri në -1 gradë Celsius.
Kulmi i temperaturave të ulta pritet të jetë dita e hënë.
