Ditën e djeshme në protestën e thirrur nga ish-kryeministri Sali Berisha, mbështetës të tij kanë bërë dëme të mëdha materiale në godinën e selisë së Partisë Demokratike në kryeqytet.
Në një video një qytetare e revoltuar i thotë protestuesit se “ai nuk ka bukë në shtëpi, ndërkohë që Berisha ka gjysmën e Tiranës”. Protestuesi nuk e ka lënë pa përgjigje qytetaren: “Të është rritur gjuha nga demokracia”.
Kjo ka bërë që qytetarja të nxehet edhe më tepër e të shtojë më pas: “Berisha nuk ka ku shkon, pasi është nën shënjestrën e SHBA dhe këtë fat do të kenë edhe ata që e mbështesin”.
Gjithsesi mbështetësi i Berishës është i bindur që kjo betejë do të fitohet dhe me referendum do të largohet ambasadorja e SHBA-ve.
QYTETARJA: Ti s’ke bukë të hash në shtëpi, Saliu ka gjysmën e Tiranës. MBËSHTETËSI I BERISHËS: Ti ke frikë nga ai, të është rritur gjuha ty, prej demokracisë.
QYTETARJA: Ja ka vënë Amerika këtu (në lule të ballit) , ashtu do t’jua bëjë edhe juve. MBËSHTETËSI I BERISHËS: Çfarë Amerike, pse Amerika më ka pjellë mua, të bëjmë Referendum dhe ta përzëmë prej këtej atë ambasadoren.
