Lulzim Basha ka deklaruar se ditën e sotme, në protestën para PD-së,
nuk pati gaz lotsjellës të hedhur nga selia e PD edhe pse pamjet filmike tregojnë një sasi të konsiderueshme të gazit të hedhur në drejtim të protestuesve.
“Nuk ka patur gaz lotsjellës nga PD. Deklarata e policisë është kriminale. Janë bombola zjarrëfikëse!”, tha Basha.
Por si të mos mjaftonin provat filmike që i kanë parë të gjithë, është dëshmia e deputetes Grida Duma, gjatë një video live nga selia, e cila flet për gazin dhe faktin se njerëzit kanë patur vështirësi në frymëmarrje si pasojë e hedhjes së gazit.
Kujtojmë se Policia e Shtetit, bëri një deklaratë urgjente që në fillim të protestës, duke u distancuar nga çdo veprim në selinë e PD, ndaj të vetmit që mund të kenë hedhur gazin nga selia e PD, janë njerëz të Lulzim Bashës, të strehuar brenda selisë.
