Kur Sabrinah Warren mbushi nëntë vjeç në fillim të këtij viti, ajo i kërkoi familjes dhe miqve të saj t’i jepnin para në vend të dhuratave.
Kjo për shkak se vogëlushja planifikoi të dhuronte një koleksion të madh lodrash për fëmijët e varfër për Krishtlindje.
Nxënësja, nga një shkollë e Boltonit në Angli mblodhi më shumë 1000 paund. Nëna e Sabrinah, Dannielle Warren, thotë se nëntë vjeçares i lindi ideja bujare pasi pa një veprim të sjellshëm nga një nxënës tjetër.
“Ideja lindi në fillim të vitit kur një vajzë tjetër në klasën e saj kishte dhuruar flokët,” tha Danielle për Manchester Evening News.
“Pasi pa asamblenë e shkollës duke e mbrojtur këtë, Sabrinah u kthye në shtëpi duke dashur të bënte diçka për të ndihmuar njerëzit.
“Ajo vendosi që, ndërsa Krishtlindjet pasojnë nga afër ditëlindjen e saj, ajo do të kërkonte para në vend të dhuratave dhe më pas do të bënte pazar dhe do t’i dhuronte lodrat.”
Sabrinah dhe mamaja e saj më pas kontaktuan Sarah Lodge, një shoqatë strehimi në Bolton, dhe u kërkuan atyre një listë të fëmijëve për të cilët mund të blinin dhurata.
Më pas, kur nëna dhe vajza shkuan në Smyths për të blerë dhuratat dhe i shpjeguan se çfarë po bënin, shitësi me pakicë u dha atyre disa zbritje, gjë që bëri ato që të merrnin më shumë lodra.
