I doli rroga 6 milion lekë, vjen reagimi nga analisti Lubonja: Pagën e fundit e mora në vitin 2015

Analisti Fatos Lubonja ka reaguar pasi në listën e databazës me të dhënat e 630 mijë qytetarëve, figuronte edhe gazetari, i cili rezultonte me një pagë prej 6 milionë lekësh të vjetra, si i punësuar në Agon Channel.

Përmes një postimi në Facebook, Lubonja sqaron se e vetmja rrogë që ka marrë prej 3500 euro (neto) në këtë television daton në vitin 2015. Gazetari thekson se pas këtij viti kompania mediatike u mbyll, duke lënë rreth 400 person pa punë.

Postimi i plotë i Fatos Lubonjës:

Mësova nga disa portale se figuroj në listat e rrogave të vitit 2021 si përfitues i një page (bruto) prej 640 000 lekësh nga Agon Channel.

Mark Tëaini thotë: “Të vërtetën thuaju vetëm atyre që e meritojnë.”

Për hir të atyre shqiptarëve që ende e meritojnë të vërtetën, të atyre që besojnë se si gazetar kam qenë në shërbim të interesit publik, si dhe të afërme dhe miqve që pas këtij lajmi mund të më shohin si një njeri që ua paska mbajtur fshehur rrogën apo se nuk paskam treguar bujarinë që e diktonte paga në raste shpenzimesh të përbashkëta si dreka, darka apo dhurata,

sqaroj se e vetmja pagë mujore prej 3500 euro (neto) që kam marrë për punën time me kohë të plotë në Agon Channel daton vitin 2015.

Një muaj pas kësaj qeveria Rama e shkatërroi kompaninë në fjalë për interesa të pushtetit korruptiv dhe klientelës së tij mediatike duke lënë 400 veta pa punë dhe pa rrogë.

Ky shkatërrim me metoda shtetesh barbare, që daton si akt më 11 qershor 2015, njihet edhe në vendimin e gjykatës ndërkombëtare ISCID që e ka gjykuar çështjen duke dënuar shtetin shqiptar me mbi 120 milion euro dëmshpërblim.

Pra qysh nga ajo kohë Agon Channel nuk ka funksionuar si kompani private por, duke shkelur çdo ligj, është marrë në administrim nga shteti jo për të vazhduar punën, por për ta shkatërruar prandaj nuk ka pasur se si të kryejë veprimet e publikuara në listën e rrogave të vitit 2021 botuara së fundi.

Meqenëse nuk besoj në shtetin dhe drejtësinë shqiptare që po shkasin përditë me shpejtësi në krime për të mbuluar krimet, shpresoj që arsyet se pse unë dhe Andi Bejtja figurojmë në listat në fjalë, ashtu sikurse pse dolën këto lista, kush i ka krijuar e pse i ka krijuar, do t’i sqarojë një ditë koha.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...