Maqedonia e Veriut, Kosova dhe Bullgaria janë sot në ditë zie në respekt të viktimave të tragjedisë së ndodhur një ditë më parë në Bullgari, ku humbën jetën 46 persona, 12 prej të cilëve fëmijë.
Në të gjitha institucionet shtetërore flamuri është ulur në gjysmë shtize, ndërsa autoritetet bullgare dhe maqedonase kanë nisur hetimet për zbardhjen e shkaqeve të ngjarjes së rëndë.
Ndërkohë, një gjë e tillë nuk ka ndodhur në Shqipëri.
Kjo ka sjellë një reagim nga artistja e njohur, Besa Kokëdhima, e cila përmes një postimi në InstaStory ka theksuar se në një kohë që Bullgaria, Maqedonia e Veriut dhe Kosova kanë shpallur ditë zie, Shqipëria nuk ka bërë të njëjtën gjë.
“46 bashkëkombas humbën jetën. Bullgaria, Maqedonia e Veriut & Kosova kanë shpallur ditë zie. Po shteti amë? Turp”, u shpreh Kokëdhima.
