Sara Hoxha, partnerja e Ledrit dhe këngëtarja e njohur Dhurata Dora janë mike shumë të mira prej vitesh, ndaj rrjedhimisht edhe reperin e kemi parë shpesh në shoqërinë e kësaj të fundit.
Fansat e të dyve kanë pritur dhe kërkuar një bashkëpunim mes tyre, dhe dy këngëtarët mesa duket po i plotësojnë dëshirën. Siç Prive ka mësuar, ata do të vijnë me një duet së shpejti.
Planet e artistëve kanë qenë të mëhershme por janë shtyrë për shkak të pandemisë. Ende nuk dihet asnjë detaj rreth këngës apo kur mund të publikohet.
Kujtojmë që dueti më i fundit i Ledrit ishte ai me Taynën. Ndërsa Dhurata solli tre muaj më parë “Mi Amor” në bashkëpunim me Noizy-n.
