Një shpërthim ka ndodhur në një servish celularësh në kryeqytet. Ngjarja ka ndodhur në mesnatë në rrugën “Thoma Goxhaj”.
Mësohet se nga ngjarja nuk ka persona të lënduar, por vetëm dëme të vogla materiale.
Shpërthimi ka ndodhur me lëndë plasëse. Mësohet se Në qepenin e dyqanit ishte vendosur rreth 55 gram eksploziv.
Në vendngjarje ka shkuar grupi hetimor dhe nisur punën për zbardhjen e rrethanave dhe identifikimin e autorit.
