Rritet bilanci i pacientëve me shenja helmimi në spitalin e Krujës.
Aktualisht 170 qytetarë janë paraqitur në Urgjencë me thuajse të njëjtat simptoma, të cilët po marrin trajtimin e duhur mjekësor, pasi dyshohet se janë helmuar nga uji i pijshëm.
Situata është shqetësuese përsa i përket numrit të shtretërve, të cilët janë ezauruar nga fluksi i qytetarëve. Ndërsa Inspektoriati i Shëndetit Publik ka marrë mostrat e ujit t’i analizuar dhe për të përcaktuar shkakun e vërtetë të helmimit të tyre.
Ndërkohë mësohet se deputetja demokrate Merita Bakiu është nisur për në spitalin e Krujës për të parë nga afër gjendjen shëndetësore të qytetarëve.
Sipas PD, së fundmi, atje është bërë një përurim elektoral në ujësjellës dhe uji ka ardhur i ndotur vazhdimisht.
