Hetuesit të Byrosë Kombëtare të Hetimit ose sic është quajtur “FBI-ja shqiptare” ka nisur operacionin e parë duke filluar nga qyteti jugor i Gjirokastrës. Hetuesit mësohet se kanë sekuestruar dosje të Prokurorisë së Gjirokastrës.
Nuk dihet se për çfarë rasti bëhet fjalë konkretisht, por Prokuroria Speciale SPAK ka nisur një hetim për Organin e akuzës në Gjirokastër.
Për shkak të sekretit hetimor, deri tani nuk ka një njoftim zyrtar nga SPAK. Operacioni i agjentëve të Byrosë Kombëtare të Hetimit ka nisur prej pasdites së djeshme.
