Analisti Mentor Nazarko ka komentuar protestën e fundit përballë Kryeministrisë për rritjen e çmimeve.
Ai ka folu për një prej figurave kryesore të saj Flor Binaj i cili ishte i pranishëm dje në protestë.
Nazarko surprizoi me deklaratën, teksa u shpreh se Binaj nesër mund të bëhet kryeministër i vendit.\
“E pashë me simpati protestën e djeshme. Gati gati po mendoja për skenarin ukrainas. Protestat qytetare mund të ushtrojnë një ndikim më të madh. Kur u shfaqën deputetët e opozitës u dekurajova pak. Pashë një opinionist si Pano Soko që ka një emision që merret me problemet reale të vendit. Është shumë ndikues. Pashë Flor Binajn.
Pse thashë skenarin ukrainas. Sot Ukraina ka një president që ka qenë komedian. Ishte dikush që imitonte presidentin dhe u bë vetë president. Binaj imiton Ramën dhe mund të bëhet nesër kryeministër. Vendi ka nevojë për lëvizje të tilla. Këto lëvizje diskreditojnë opozitën politike”, u shpreh ai.
Për shembull protesta e studentëve shfaqi figura të reja. Arriti të gjente një emërues të përbashkët. Një figurë si Binaj mund të ndikojë nëse mbështet nga grupe. Unë shoh shkëndija”, deklaroi ai për Abc News.
