Sot në programin “Me zemër të hapur” erdhi historia e 72 vjeçares me emrin Rabihane.
Ajo ka rrëfyer dramën e jetës së saj, që nga martesa me burrin nga Kosova e deri te vdekja e djalit në moshën 24-vjeçare.
Por sot e moshuara është dhe në konflikt me vajzat, ku u përball drejtpërsëdrejti në studio me njërën prej tyre.
“U martova me një djalë nga Kosova, kam kaluar shumë mirë me bashkëshortin, lindëm 4 fëmijë. Por burri më vdiq në vitin 90 dhe aty m’u përmbys bota, por 5 vite pas burrit më vdiq djali 24-vjeç, aty më është përmbysur gjithçka. Kalova një gjëndje të rënduar dhe habis sot që unë jam gjallë,çupat u tronditën shumë, vajza e vogël mori rrugët dhe nuk më pyeti fare për asgjë.
Pa vdekur djali, shitëm shtëpinë dhe u sistemuam në një vend tjetër brenda Tiranës. Pas vdekjes së djalit shita shtëpinë se nuk kisha lekë të bëja varrin e djalit. Vajza e madhe është e mirë, ajo më merr dhe më thotë që” o mami do bëhemi ndonjëherë bashkë” dy vajzat e tjera më sulmojnë nëpërmjet komshinjve.
Një periudhë u bashkova me vajzën e vogël por aty ndodhën shumë gjëra të rënda të cilat nuk dua ti ndaj me publikun. Komshija ime mban peng vajzat e mia, komshija më fotografon mua në qëndrën sociale dhe është e turpshme e çon foton te vajza në Amerikë, sikur unë kam një marrdhënie. U improvizua një plan i tillë nga njerëz aty brenda.
Unë 29 m katror e kam shtëpinë në të cilën jetoj, ato më bëjnë presion që të largohem, çdo ditë më ofendojnë , më dhunojnë psikologjikisht. Unë jam nënë dhe ato fjalë që më kanë thënë nuk i fal dot, nuk më telefonojnë. Unë dua të më lënë rehat sepse komshinjtë flasin pafund në emër të vajzave.” -tha 72-vjeçarja.
Ndërkohë vajza e saj, thotë se është nëna e saj e cila nuk dëshiron të ketë një marrëdhënie më të bijat.
“Mamin e marr pafund prej 5 vitesh, por nuk ma hap telefonin. “O ma pse arrite deri këtu, pse më thua që mos më shqetëso” Është turp që arriti puna deri te televizioni, nuk kam cfarë them për nënën time, nëna ime ka qenë zonjë por që kur iku vëllai, djali i saj ajo nuk është më mirë mendërisht.
Motra e vogël nuk është aty ka 5 vite në Itali, nëna ime nuk na do neve, nuk ma hap telefonin. Unë jam 52 vjeçe nuk jam e vogël. “Nëna thotë që më bënë magji vajza” Nënës i rëndon çdo fjalë, ka të drejtë sepse ka 25 vite që jeton e vetmuar.”- tha vajza e 72 vjeçares.
