“U tmerrova kur e dëgjova”/ Babai i Aldi Ramës me lot në sy: Më përvëloi shpirti, çfarë t’u them fëmijëve të policit që ngelën jetim

266

Babai i Aldi Ramës, Rufan Rama, ishte sot në një lidhje telefonike me emisionin “Shqipëria Live” për të folur për ngjarjen e rëndë që ndodhi një ditë më parë.

Ai tha se u “tmerrua kur mori vesh se cafre kishte bere djali policit”, por sot “i përvëlon shpirti për humbjen e të birit”.

“Dje në mesditë më mori në telefon djali i madh dhe më tha se çfarë kishte ndodhur. Kur më thanë se ka goditur një polic, shpresoja që të shpëtonte.

Por u tmerrova kur mësova se një 44-vjeçar u kishte humbur jeten, mbetën jetim dy fëmijë. Por sot më përvëloi shpirti që mora vesh që djali im ndërroi jetë”, tha Rufani.

Ky i fundit shprehu ngushëllimet për familjen e policit të ndjerë, e me lot në sy shprehet: “Nuk kam çfarë tu them. Çfarë tu them fëmijëve që ngelën jetimë, gruas që mbeti vetëm.

Vetëm ngushëllime. Më vjen keq për familjen e Saimirit, por më dhemb edhe shpirti për djalin tim. I kërkoj falje familjes së efektivit që iu mor jeta nga djali im”.

Lexo edhe:   Drejt Europës dhe Anglisë ilegalisht/ Në hetim 727 shqiptarë, 1702 u kthyen pas në Rinas