Nga Ketjola Gështenja
Ky është Ardian Kukaj, 44 vjeçari i cili jeton si i “gozhduar” në shtrat për shkak se është i paralizuar. 44 vjeçari nga fshati Koplik i Sipërm në Malësinë e Madhe nuk mund të bëjë asgjë pa ndihmën e bashkëshortes së tij Meritës.
Ndonëse vuan nga një sërë sëmundjesh edhe ajo vetë, prej 9 vitesh mes shumë vështirësive Merita është kujdesur për bashkëshortin që po ashtu është i sëmurë.
Kohët e fundit Merita është paralajmëruar që do t’i ndërpritet edhe kempi prej 200 mijë lekësh të vjetër me të cilin çifti mban frymën duke mos patur të ardhura të tjera.
E gjendur në një situatë të vështirë dhe pa asnjë mbështetje 45 vjeçarja jeton me shpresen se dikush do ta ndihmojë.