Avokat Spartak Ngjela teksa komentoi sot në emisionin ‘Breaking’ lëvizjet e fundit të Sali Berishës dhe u shpreh i bindur se ai nuk do ta mund dot Lulzim Bashës, solli në kujtesë edhe sfidën e tij me Ramiz Alinë në ’91-in.
Sipas Ngjelës, Berisha fitoi në ’91-in ndaj Ramiz Alisë jo se ishte më i fortë, por se Ramiz Alia nuk kishte në krah Amerikën.
Jo vetëm kaq, por Ngjela paralajmëron se Berishën e pret përballja me SPAK dhe këtë sipas tij e paralajmëroi edhe ambasadorja Yuri Kim, e cila dha ultimatum që të ndëshkohen të korruptuarit.
“Aq i fortë është ky sa kur kishte përballë Ramiz Alisë në ’91, kjo se Alia nuk e kishte Amerikën me vete. Po ta kishte ai nuk e merrte pushtetin. Mes Berishës dhe Bashës kë mbështet Uashingtoni? Bashën. Po të përkrahte Uashingtonin do të fitonte Ramizi. Morën Bashën, i thanë godit Saliun, po mos ta godiste do gjenin një njeri tjetër.
Si mund ta mundë ai kur nuk e ka Amerikën. Është në vështirësi jo për pushtetin, por për vazhdimësinë për SPAK. Amerika ka thënë se politika amerikane do të ndëshkojnë të korruptuarit”, tha Ngjela.
