Ka kaluar pothuajse një vit që kur Eni Koçi zbuloi se ishte infektuar me koronavirus. Këngëtarja tregoi se ndër simptomat ishte dhe humbja e shijes dhe nuhatjes. Mirëpo, ndërsa ka kaluar kaq shumë kohë nga infektimi, ajo tregoi se ende ka probleme me shijen dhe nuhatjen.
“Ende vuaj pasojat me shijen dhe nuhatjen (parosmia)”, ka shkruar Eni teksa i përgjigjet një ndjekësi në Instastory. Sakaq, kujtojmë që pak ditë më parë bashkë me Genc Prelvukaj morën vaksinën kundër Covid-19.
Këngëtarja bëri gjithashtu thirrje dhe ndaj atyre që janë skeptikë ndaj vaksinës. “Ju sugjeroj të ecni me hapin e shkencës dhe të bëni vaksinën. Duhen injoruar plotësisht teoritë e gabuara që kundërshtojnë marrjen e vaksinës.“, tha Eni.
