Alketa Vejsiu për momentin po merret me përgatitjet e “Love Story”, që rikthehet së shpejti në transmetim. Megjithatë, ajo ka gjetur pak kohë për të biseduar me ndjekësit, e për t’iu përgjigjur pyetjeve të tyre.
Krahas kurioziteteve të shumta, një nga ndjekësit e ka pyetur se cila është moderatorja e preferuar. Alketa ka dhënë një përgjigje “diplomatike”, pa përmendur emra. “Të gjitha janë më të mira se unë. Unë dua thjesht të jem më e mirë se vetja ime deri tani”, shkruan ajo.
Ndërkohë, një tjetër e ka pyetur se pse nuk bën bamirësi. “I bëj, por pa i bërtitur”, i është përgjigjur Alketa.
Pyetjes personale, se pse nuk bën një fëmijë tjetër, ajo ka zgjedhur të mos i përgjigjet. Në fakt, moderatorja gjithmonë ka qenë e rezervuar, sa i përket jetës private. /News31
