Ngjajnë apo jo? Ilda Bejleri shqiptare thotë se ngjan me Cristiano Ronaldon (foto)

180

Ilda Bejleri e ka bërë gjithmonë publike dashurinë që ka për sportin edhe pse prej kohësh është larguar nga ekrani.

Së fundmi, ajo ka ndarë me ndjekësit e saj në InstaStory një bashkim fotosh të saj dhe të futbollistit Cristiano Ronaldo, të realizuar nga fansat.

Në këtë imazh vihen re këmbët dhe qëndrimi njësoj i të dyve, gjë që nuk ka kaluar pa u vënë në dukje dhe nga vetë Ilda.

“Kush e bëri më mirë?”, shkruan Ilda shoqëruar me ca të qeshura.

Kjo nuk është hera e vetme që atë e krahasojnë me CR7, por moderatorja gjithmonë e ka marrë me mjaft sportivitet.

Kujtojmë se një ndër lajmet që bëri shumë bujë ishte ai i pak viteve më parë kur Ilda Bejleri dhe Dritan Shakohoxha patën një përplasje që bëri mjaft zhurmë. Asokohe të dy ata ishin pjesë e “Supersport”, Shakohoxha si drejtues, ndërsa Bejleri si moderatore e emisioneve më të rëndësishme sportive.

Më vonë Ilda u largua nga “Supersport” dhe në media u tha se vendimin për pushimin e saj nga puna e kishte marrë Dritan Shakohoxha. Ky i fundit e mohoi lajmin, ndërsa Ilda nuk i kurseu disa thumba pas largimit nga puna.

Tashmë as njëri e as tjetri nuk janë më pjesë e “Supersport” dhe kanë ndjekur rrugë të ndryshme në karrierën e tyre. Mirëpo duket se Ilda dhe Dritani do të përballen sërish me njëri-tjetrin pasi siç thuhet të dy ata kanë zyrtarizuar kandidaturën për kreun e Federatës Shqiptare të Futbollit.