Kompozitori Shpëtim Saraçi i ka dhënë lamtumirën e fundit mikut të tij, dirigjentit Kujtim Alija përmes një dedikimi prekës në rrjetet sociale.
Saraçi shkruan se ka qenë fat i madh bashkëpunimi ndër vite me të dhe kujtimi i tij do të mbetet i paharrueshëm për të gjithë.
“Ky kujtim i fundit do te na mbetet përjetë në zemër shoku jonë i paharrueshëm Kujtim Alija.
I pakrahasueshëm kontributi jot në breza.
Fat i madh për ne me jetu dhe bashkëpunu me ty ndër vite.
E forcoftë Zoti familjen e shkëlqyer.
Ne asnjëherë nuk do te harrojmë.
Zoti i madh te mëshiroftë.
Do të na marri malli shumë.
Lamtumirë shok.”, shkruan Saraçi.
Kujtim Alija u nda nga jeta ditën e sotme në moshën 60-vjeçare pas një sëmundje të rende nga e cila vuante kohëve të fundit.
Dirigjenti i njohur shkodran, ishte organizator për shume vite i Festivalit Mbarëkombëtar të Fëmijëve si dhe drejtues i Qendres Kulturore të Fëmijëve në Shkodër.