Pas pushimeve familjare, ka ardhur koha që Rezarta Shkurta të shijojë pak privatësi me Ermalin dhe po planifikon pushime në çift. Mirëpo sigurisht Hera dëshiron të shkojë me ta dhe Rezarta e ka gjetur zgjidhjen si vogëlushja të ndërrojë mendje.
Rezarta ka publikuar një video ku i thotë Herës se tek vendi ku mami e babi do të shkojnë, ka për të ngrënë vetëm supë dhe sallatë.
“Ky vendi që po ikin mami dhe babi është shumë i bukur, por për të ngrënë ka vetëm supë me brokoli, bizele, spinaq, sallatë”,-i thotë Rezarta Herës dhe më pas e pyet: “Do vish me ne?”
Hera mendohet e më pas qesh me të madhe duke treguar se ka ndërruar mendje.
