Qesharake/ Një i ri rrëzohet në rrugë në Tiranë, policia del me njoftim për shtyp

161

Policia e Tiranës e ka parë të udhës që të verë në dijeni opionin publik përmes një njoftimi zyrtar se një i ri është rrezuar në rrugë.

Në njoftimin që i ka nisur mediave, policia njofton gjithashtu se është ngritur një grup hetimor për të sqaruar rrethanat e rrëzimit të 32-vjeçarit në rrugë.

Duke qenë se nuk ka detaje të tjera në njoftim, mund të hamendësohet se i riu është penguar diku dhe është rrëzuar në trotuar, ose ka qenë duke ecur me biçikletë apo motorçikletë, megjithatë, mbetet që grupi hetimor të na shpjegojë se si ndodhi që u rrëzua ky i ri në rrugë.

Njoftimi i policisë

Tiranë/Informacion paraprak

Në afërsi të vendit të quajtur “9-katshet”, është rrëzuar aksidentalisht në rrugë shtetasi E. H., rreth 32 vjeç, i cili ndodhet në spital, jashtë rrezikut për jetën.

Grupi hetimor punon për sqarimin e rrethanave të ngjarjes.