Gjatë orëve të mbrëmjes së djeshme “Orange Club” është vendosur sërish në qendër të vëmendjes. Një sherr i madh është shënuar në lokalin e njohur tashmë për të gjithë për jetën e natës dhe sherret që herë pas here plasin.
Në lokalin e njohur në Sarandë mbrëmjen e djeshme ka qenë e ftuar këngëtarja Elvana Gjata, ku duket se pas performancës së saj ka “plasur” edhe sherri.
Në videon e mëposhtme shihet sesi brenda në lokal “kërcasin” gotat dhe shishe mes disa personave. Edhe pse personat që janë përfshirë në sherr më pas janë nxjerrë jashtë lokalit, siç shihet edhe në videon e mëposhtme duket se sherri ka vijuar. Në vendin e ngjarjes shihet se ka mbërritur edhe policia.
Nuk dihet ende shkaku i konfiktit që ka çuar në këtë përplasje fizike dhe as sesa persona janë arrestuar.
Kujtojmë që në “Orange Club” pak ditë më parë është shënuar edhe një sherr tjetër, ku disa turistë u përplasën fizikisht me rojet e sigurisë, ndërsa atë mbrëmje i ftuar për të performuar ishte Noizy.