Shumë pak e dinë se në serialin e njohur “Sulejmani i Madhërishëm”, dy prej aktorëve kryesorë ju rredh në vena gjak shqiptari.
Aktori Halit Ergenç, i cili luan rolin kryesor në këtë serial, në një intervistë të realizuar kohë më parë zbuloi se është nga Shqipëria.
“Mund të them me plot gojën se në damarët e mi ka gjak shqiptari”, deklaroi Ergenç në një intervistë.
Përveç tij, në këtë serial ka luajtur edhe një aktore me origjinë shqiptare. Bëhet fjalë për aktoren Pelin Karahan, që në serial luante rolin e vajzës së Sulltanit. Në një intervistë, Karahan ka thënë se është lindur dhe rritur në Ankara, por se me rrënjë është shqiptare.
“Unë jam lindur dhe rritur në Ankara, por jam me rrënjë shqiptare nga ana e gjyshes”, ka deklaruar ajo.