Tatoi, një periferi e Athinës, është përfshirë nga një zjarr i madh që ka ‘gllabëruar’ masivin pyjor të zonës.
Gazetari i Top Channel, Artur Bibe teksa raporton nga vatra e zjarrit në Tatoi, një periferi e Athinës po përballet me tmerrin. Gaazetari thotë se zjarri i ka bllokuar në mes dhe është e pamundur të dalin.
“Me kamerën e Top Channel ndodhemi në mes të vatrës së zjarrit. Është e tmerrshme kjo që po ndodh. Oh Zot, është e tmerrshme! Heronjtë zjarrfikës po fikin zjarrin, jemi të izoluar tani, në të dy krahët kemi zjarr”, raporton Bibe.
