Ramës nuk i ecën dhe i dështon propaganda, qytetarët e nxjerrin përsëri “zbuluar” (FOTO)

Kryeministri Edi Rama mëngjesin e sotëm, ka bërë të ditur se nga gushti do të futen në qarkullim autobusët e gjelbër “Go Green”, të cilët sipas tij do të përshkruajnë linjën e madhe unazore prej 13.2km me 66 stacione.

Në një postim në rrjetet sociale, Rama e konsideron vënien në përdorim të autobusëve të gjelbër “Go Green”, si një gjeneratë e re e transportit publik.

“Mirmëngjes dhe me gjeneratën e re të transportit publik, autobusët hibridë elektrikë që do të hyjnë në shërbim për Tiranën e gjelbër e të pastër, ju uroj një të diel të bukur. Në Gusht nis linja e madhe unazore 13.2km me 66 stacione”, shkruan Rama.

Por, pas këtij postimi qytetarët i kanë “nxjerrë bojën” propagandës së kryeministrit, të cilin e kanë kryqëzuar me komente. Disa qytetarë kërkojnë punësim dhe rritje rrogash, ndërsa të tjerë vënë theksin tek mungesa e ujit të pijshëm. Ata e cilësojnë të turpshëm faktin se në shtëpitë e shqiptarëve, në 2021, ende mungon uji.

“Punesim rritje rrogash duan shqiptaret. Nese nuk e ben dot duhet te ishe larguar. Iku rinia.”-shkruan një qytetar.

Më tej, një tjetër qytetar vë theksin te mungesa e ujit të pijshëm, ndërsa shkruan “O shef nuk duam autobuza se e bejme me kembe si njeher e nje kohe. Po na sill uje se skemi uje i lini autobuzat.”

Ndërsa një tjetër komentues ironizon, duke shkruar “O robo uj po patjter por mandatin e katert”.

Gjithashtu një tjetër qytetar shkruan “Me fal kryeminister i bleve me leket e tua a te popullit. Cfarë janë këto rekllama keshtu. Po i bleve me leket e tua po i thua popullit ja ku ua bleva unë. Jo i blen me paret e popullit e thua ua bleva unë”.

Po ashtu një tjetër qytetar shkruan “Është turp i madh që në 2021 kemi vetëm 4 orë ujë në ditë. Ngrihemi që në 5 të mëngjesit, harxhojmë 1 orë energji elektrike për të çuar ujin në tarracë. Po bien pallatet nga bolierët. Po ata që s’kanë bolier rrinë në 40° me dy orë ujë në mëngjes dhe dy orë ujë në darkë.

Ka familje me të moshuar dhe me fëmijë të vegjël. Ja këto janë problemet që populli përballet çdo ditë, dhe nuk e keni idenë se çfar stresi kalojnë familjet në munges të ujit.

Këto janë arsyet përse shqiptarët largohen çdo ditë nga ky vend që e bekoi Zoti me bukuri natyrore dhe me pasuri tokësore, pasuri të cilat po shfrytëzohen pa kriter dhe po vidhen pa hesap, dhe popullit nuk i kthehet asgjë mbrapsht nga taksat që paguan.”

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...