Kjo periudhë shoqërohet gjithmonë me largime, përfundime projektesh dhe emisionesh për t’i lënë vendin projekteve të reja televizive.
Ky rast përfshin edhe dy moderatoret e famshme, Rozana Radi dhe Fjori Dardha. Pas shumë vitesh, vajzat do të mbyllin emisionin e tyre investigativ “BOOM”, dhe do të largohen nga RTV Ora, për t’i lënë vendin një tjetër projekti.
Në hapjen e sezonit të ri televiziv, ato do të shkojnë në MCN TV, me një format të ngjashëm që quhet XHADAT. Këtë lajm e ka konfirmuar Rozana me anë të një postimi në rrjetet sociale ku shkruan:
“Pas një eksperience shumë vjeçare në Rtv Ora me emisionin Invesigativ “BOOM” rikthehemi në shtator në një tjetër TV. Me një emer të ri “XHADAT” do jemi përsëri çdo mbrëmje bashkë po me të njëjtin format investigativ & satirik. Unë dhe Fiori ju lëmë takim në shtator në MCN TV”, shkruan Rozana në postim.