Bregdeti i Velipojës priti me mijëra pushues këtë të dielë. Vizitorët ishin jo vetëm nga Shkodra, por më së shumti nga Kosova dhe Maqedonia e Veriut.
Pavarësisht ngjarjeve të rënda të ndodhura në nisje të sezonit pushuesit nuk e kanë braktisur Velipojën dhe deklarojnë se e frekuentojnë këtë bregdet për shkak të pastërtisë, rërës me vlera kurative dhe çmimeve të favorshme që ju ofrohen.
Në plazhin e Velipojës janë shtuar patrullat dhe punonjesit e rendit. Kjo u ka dhënë më shumë siguri pushuesve që kanë zgjedhur këtë perlë të Veriut.
Pas vitit të pandemisë, edhe operatorët në Velipojë parashikojnë një sezon të gjatë dhe të kënaqshëm.
