Moti bën kthesën e papritur, sinoptikania jep detajet dhe tregon si pritet të jetë moti në ditët në vijim

146

Dita e sotme solli reshje shiu për disa zona, duke sjellë ulje të temperaturave.

Në një lidhje skype për ‘News24’ sinoptikania Lajda Porja tha se era në zonat bregdetare do të shkaktojë det të trazuar, ndërsa theksoi se dita e nesërme do të jetë më e stabilizuar.
Mes të tjerash Porja tha se i nxehti afrikan mund të rikthehet në muajin gusht.

“Sot problematike dita do të jetë për pushuesit, pasi do të jetë një det i trazuar. Sot do të ketë pakësim të erës gjatë natës dhe do të jetë qetësim. Do të ketë rrebeshe shiu afatshkurta, siç në Pogradec.

Temperaturat e larta afro 41.6% qe u shënua në qarkun e Beratit kanë qenë më të larta në këtë verë. Moti parashikohet që deri në 7 të kemi temperatura të freskëta. Ndërsa në datën 9 do të ketë rritje temperaturash.

Muaji korrik do të ketë temperatura të muajit të vetë. Deri në 38 gradë. Nuk parashikohet që të kemi në korrik këto shifra, por nuk përjashtohet mundësia që këto valë të rikthehen në gusht. Deri në datën 10 moti do të jetë i kthjellët në zonat bregdetare.”, -tha Porja